İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 436 Hüküm no: 531 Orijinal metin no: [224-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kızkardeşinin Kayseri’deki miras hususu için Kayseri’ye gidecek olan Yeni Bend Taşçıbaşı Musa’ya, gidip gelinceye kadar engel olunmaması Bend-i cedîd taşçıbaşısının mürûruna müdâhale olunmaya Ma‘rûz, Hâlâ binâsına mübâşeret olunan bend-i cedîd taşçıbaşısı olan sâhib-i arzuhâl el-Hâc Musa İslambol sâkinlerinden olup İstanbul’da sâkine hemşîresinin Kayseriye’de mîrâs husûsu olmağla ol tarafa âzime olup ba‘de’l-husûl yine İstanbul’a vusûl için avd u kufûl irâdesiyle İznikmid’e duhûl etdikde İznikmid Mutasarrıfı tarafından mürûruna ruhsat verilmemekle mümâna‘at olunmamak bâbında İznikmid Mutasarrıfına fermân-ı âlîşân sudûrunu istid‘â etmeğin nefsü’l-emre mutâbık ise [225] i‘lâm olunmak için bu dâ‘îlerine fermân-ı âlîleri vârid olmağla fi’l-hakīka hâl istid‘âsına mutâbık olduğu sahîhan ihbâr olunmağla istid‘âsına müsâ‘ade buyrulmak bâbında emr ü fermân hazret-i veliyyü’l-emrindir. Fî 14 min-Zilka‘de sene 1179.