İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 448 Hüküm no: 552 Orijinal metin no: [231-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aynacılar esnafı kethüdası Süleyman’ın azledilerek yerine Abdi’nin tayin olunması Nasb-ı kethüdâ-i aynacı Mahmiye-i İstanbul’da aynacı esnâfının kethüdâları olan Süleyman müzmin-i hamr olup umûrunu idâreye kudreti olmadığını esnâfından zeyl-i kitâbda muharrerü’l-esâmi kimesneler ihbâr etmeleriyle azli îcâb etmeğin yerine yine esnâf-ı mezkûrenin re’yleriyle ihtiyârlarından umûr-ı mezkûreyi idâreye kādir idiği kezâlik ihbâr olunan işbu bâ‘isü’l-kitâb el-Hâc Abdi nâm kimesneyi a‘lâ-yı kitâbı tevkī‘leriyle terfî‘ eden efendi hazretleri kethüdâ nasb ü ta‘yîn buyurduklarında ol dahi hizmet-i mezkûreyi kabûl ve olageldiği minvâl üzere alâ vechi’l-istikāmet edâya ta‘ahhüd ve ilzâm etmeğin mâ-vaka‘a bi’t-taleb ketb olundu. Fî 11 min-Şa‘bân sene 1179 Şuhûdü’l-hâl: Selim Beşe, es-Seyyid Lütfullah, Mehmed Odabaşı, el-Hâc Mehmed, Yusuf b. ( ) ve gayruhum.