İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 448 Hüküm no: 553 Orijinal metin no: [232-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Akideci esnafından Mehmed’e küfreden Mustafa b. Şaban’ın cezalandırılması Lâleliçeşme’de vâki‘ akīdeci Mustafa’ya ta‘zîr Ma‘rûz, Mahmiye-i İstanbul’da akīdeci esnâfından Mehmed meclis-i şer‘-i enverde yine tâife-i mezkûreden Lâleliçeşme’de sâkin Mustafa b. Şaban mahzarında mezbûr Mustafa bundan akdem muvâcehemde anama cimâ‘ lafzıyla şetm ve ırzımı hetk etmekle mûcebini taleb ederim deyü ba‘de’d-da‘vâ ve’l-inkâr isre-talebi’l-beyyine müdde‘î-i mezbûr ityân-ı beyyineden izhâr-ı acz birle istihlâf ve mezbûr Mustafa’ya yemîn teklîf olundukda nükûl etmeğin mûcebiyle mezbûr Mustafa’ya şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 12 min-Şa‘bân sene [11]79.