İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 450 Hüküm no: 556 Orijinal metin no: [233-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapamacı Canik’in Âmine bt. Abdullah’a olan borcunu taksitlendirmesi 300 [guruş] mukassatan edâya ta‘ahhüd Ma‘rûz Arzuhâl eden Kapamacı Canik v. Kevork nâm zimmînin Çarşamba günü huzûr-ı âlîlerinde ma‘kūd meclis-i şer‘-i münîrde Samatya kurbünde sâkine derûn-ı arzuhâlde mezkûre Âmine bt. Abdullah b. Abdurrahman nâm hatun tarafından sâbitetü’l-vekâle vekîli Hamide bt. Mehmed mahzarında müvekkile-i mezbûreye bâ-temessük cihet-i karzdan olan üç yüz guruş deyninden bâkī yüz doksan beş guruşu def‘aten edâya kudreti olmamağla târîh-i i‘lâm şehri gurresinden altmış altı ay tamâmına dek mukassatan edâya ta‘ahhüd ve ribâ da‘vâsında müvekkile-i mezbûrenin zimmetini ibrâ etdikde vekîl-i mezbûr râzı olup bu minvâl üzere kat‘-ı münâza‘a eyledikleri tescîl ve mübâşiri iltimâsıyla huzûr-ı âlîlerine i‘lâm olundu. Fî 12 min-Şa‘bân sene 1179.