İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 460 Hüküm no: 569 Orijinal metin no: [239-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Alacaşehir’deki Lonca’nın tamiri için oluşturulan vakfa mütevelli tayini Lonca ta‘mîri için nasb-ı mütevellî Ma‘rûz, Derkenârda mastûr olduğu vech üzere Alacaşehir’de vâki‘ Lonca ta‘mîr ve termîmi için Ali Ağa’nın vakıf eylediği dekâkînin vazîfe-i mu‘ayyene ile mütevellîsi olan Hüseyin Efendi mahmiye-i İstanbul’da bilâ-veled fevt olduğunu ve tevliyet-i mezkûreye karındaşı oğlu müderrisîn-i kirâmdan sâhib-i arzuhâl Osman Efendi’den gayrı mahmiye-i mezbûrede mevcûd ve ehakk kimesne olmadığını mazbûtü’l-esâmi kimesneler ihbâr etmeleriyle tevliyet-i mezkûre mezbûr Hüseyin Efendi’nin mahlûlünden mûmâ-ileyh Osman Efendi’ye tevcîh buyrulmak bâbında emr ü fermân hazret-i men-lehü’l-emrindir. Fî 21 Şa‘bân sene 1179.