İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 466 Hüküm no: 579 Orijinal metin no: [242-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman’ın, kiracısı olduğu manav dükkânı gediğini Halil’e teslim etmesi Âlât-ı dükkân-ı manav Ma‘rûz, Kahve gümrüğü altında vâki‘ vakıf dükkânda müstecir olup derûn-ı arzuhâlde mezkûr el-Hâc Osman meclis-i şer‘-i enverde müteveffâ el-Hâc Halil nâm kimesnenin zevcesi Ümmügülsüm ile kızları Hadîce ve Afife ve Rukıye taraflarından vekîlleri el-Hâc Mustafa mahzarında dükkân-ı merkūmda olan sermâye mezbûre Rukıye’nin oğlu olup arzuhâl eden hâzır bi’l-meclis Halil’in gedik ta‘bîr olunur manav âlâtı müteveffâ-yı mezbûrdan müstakil veresesi mezbûrâtın mülkleri olup benim alâkam olmamağla hâlâ mezbûrât merkūm Halil’i müstakillen dükkân-ı mersûmda iskân murâd etmeleriyle zikr olunan âlâtı mezbûrânın izinleriyle mezbûr Halil’e teslîm eyledim deyü ikrârını zabt ve verese-i mezbûrât yedlerine mufassalan hüccet verildiği mübâşiri iltimâsıyla huzûr-ı âlîlerine i‘lâm olundu. Fî 24 min-Şa‘bân sene 1179.