İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 467 Hüküm no: 581 Orijinal metin no: [243-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İstanço kızı Maryora’nın, eşi Mosko’dan muhalaa usulüyle boşanması Eşyâ üzere muhâla‘a Ma‘rûz, Mahmiye-i İstanbul’da Eğrikapı kurbünda sâkin arzuhâl eden İstanço zimmînin sulbiye kebîre kızı Maryora meclis-i şer‘-i hatîrde zevc-i dâhili arzuhâlde mezkûr Kürkçü Mosko mahzarında merkūm Mosko’dan beni bundan akdem âyinimiz üzere tezvîc ve inkâh ve duhûl edip lâkin beynimizde hüsn-i mu‘âşeretimiz olmamağla mecmû‘u kırk beş guruş kıymetli bir kuşak ve bir gerdânlık ve bir küpe ve bir kürk ve bir anteri ve yaşmak ve makreme üzerine hul‘ olup hukūk-ı zevciyetden zevcim mezbûr Mosko’nun zimmetini ibrâ ve iskāt eyledim dedikde merkūm Mosko dahi hul‘u kabûl ve kezâlik merkūmenin zâtını ibrâ ve kat‘-ı nizâ‘ eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 27 Ş sene [11]79.