İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 496 Hüküm no: 623 Orijinal metin no: [260-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çungar Kaptan tarafından Tersane-i amireye bağlanan peremenin Kandiye’li Kalpsizoğlu Hacı İbrahim’e ait olduğu Girid premesi Tersâne-i âmire’ye pend olup sâhib-i isbât Ma‘rûz, Donanma-i hümâyûn kalyonları kapudanlarından derûn-ı arzuhâlde mezkûr Çongar nâm kapudan yediyle Tersâne-i âmire olan tahmînen on yedi ve on sekiz zirâ‘ Girid premesi ta‘bîr olunur kayık hâlâ Kandiye’de sâkin sâhib-i arzuhâl Kalpsizoğlu el-Hâc İbrahim b. el-Hâc Ali’nin mülkü olup üç sene mukaddem Kandiye’de kendi malından yapdığı ve işbu sene-i Saferi’l-hayrın evâhirinde zahîre hamûlesiyle Reisi Mustafa beş nefer tâifesiyle Varna sevâhiline giderken korsan keferesi ahz ve ba‘dehû şiddet-i rüzgâr ile Arabistan taraflarına düşmekle sefâin-i sultâniye kapudanlarından Çungar Kapudan yediyle Tersâne-i âmire’ye rabt olduğunu Kandiye ahâlîsinden iki aydan beri cezîre-i mezbûreden gelip ashâb-ı vukūfdan hâlâ Suluhan’da misâfir lede’l-iktizâ sâhib-i arzuhâl mezbûr el-Hâc İbrahim tarafından Mehmed b. Mustafa nâm kimesnenin tevkîl eylediğini şâhidlerinden vekâletine şâhid olan Baba Ali oğlu el-Hâc Mustafa ve Hâfız Molla Ahmed ve Kalpsiz Musa ile sâir vukūfu olanlardan Ali Bey ve Kalyoncu Ömer ve Küçük Mustafa ve Boşnakoğlu Abdünnebi ve Mustafa nâm kimesneler ihbâr eyledikleri imtisâlen li’l-emri’l-âlî huzûr-ı âlîlerine i‘lâm olundu. Fî 25 min-Ramazan sene [1]179.