İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 498 Hüküm no: 626 Orijinal metin no: [261-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Noksan ekmek imal etmeyi alışkanlık haline getiren Sultan Selim Fırını ekmekçisi İsmail’in kalebend cezasıyla Seddülbahir kalesinde hapsedilmesi Sultân Selim Ekmekçisi İsmail’in kal‘a-bend Ma‘rûz, Elli bir bölük yoldaşlarından İsmail Sultân Selim Fırını ekmekçisi olup bundan akdem yirmi dirhem noksân ile ahz ve on gün hapis ile tehdîd ve ba‘dehû ıtlâk olundukdan sonra mütenebbih olmayıp yine otuz dirhem noksân ile ahz ve orta çavuş kulları ma‘rifetiyle ta‘zîr ve beş gün hapisden sonra sebîli tahliye olunmuş iken mütenebbih olmayıp bu def‘a dahi on dirhem noksân ile ahz olunmağla fi‘il-i sâbıkında ısrâr eylediği zâhir ve gereği gibi ta‘zîr olunmağa muhtâc olmağla Seddülbahr kal‘ası’nda li-ecli’t-te’dîb kal‘a-bend olunmak üzere huzûr-ı âlîlerine i‘lâm olundu. Fî 7 Şevvâl sene 1179.