İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 501 Hüküm no: 631 Orijinal metin no: [262-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşcı Mehmed’in dükkân gediğini kethüdaları Ahmed’e kiraya vermesi Aşçı A‘mâ el-Hâc Mehmed’in âlât-ı gediği zâyi‘ olmayacağına kethüdâları Ahmed kefil Ma‘rûz, Mahmiye-i İstanbul’da hoşâbcı ve kebabcı ve aşçı ve çörenci esnâfının kethüdâları Ahmed ve yiğitbaşıları Hasan ve Molla Mehmed ve ustalarından el-Hâc İbrahim ve Mehmed ve es-Seyyid el-Hâc İsmail ve Hüseyin ve el-Hâc Ali ve Mehmed Odabaşı ve Mehmed Usta ve Hüseyin Usta ve İsmail ve Ömer ve Osman ve Abdullah ve Ali ve zimmî tâifesinden Yanko ve Filo ve Desbot ve Tanaş ve Niko ve Hıristo ve Çıka ve Dimo ve Apostol ve Odoso ve Kiryako ve Diyo ve Bağdisar meclis-i şer‘-i hatîrde Balıkpazarı Çarşısı’nda aşçı olan a‘mâ el-Hâc Mehmed mahzarında mezbûr a‘mâ [263] el-Hâc Mehmed alîl olmağla tarafından çarşı-yı mezkûrda hilâf-ı mu‘tâd dükkânını zimmî tâifesine icâr ve nizâmımıza mugāyir hareket eder deyü teşekkî etdiklerinde ol dahi rızâsıyla fî-mâ-ba‘d dükkânını zimmî tâifesine icârdan fâriğ olup dükkânında mevcûd âlât-ı ma‘lûmesini beher şehr dokuz guruş ücret kavliyle müşâhereten kethüdâ-i mezbûr Ahmed’e icâr ol dahi ba‘de’l-kabûl âlât-ı mezkûreden bir seneyi mezbûr kethüdâ Ahmed itlâf ve izâ‘at ederse kıymetine her biri kefil ve zâmin olup bu vechile mezbûr a‘mâ el-Hâc Mehmed’i te’mîn eylediklerined ol dahi kefâletlerini kabûl ve bu vechile kat‘-ı münâza‘a eyledikleri iltimâslarıyla huzûr-ı âlîlerine i‘lâm olundu. Fî 7 min-L sene 1179.