İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 505 Hüküm no: 635 Orijinal metin no: [264-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Ahmed’in tımarı için görevlendirdiği vekili Süleyman’a tımarı teslim etmeyen Timurşah v. Mustafa’nın muhakeme olmak üzere İstanbul’a gönderilmesi Demirhisar nâhiyesinden Timurşah v. Mustafa’yı ihzâr Ma‘rûz, Sâdır olan fermân-ı âlîlerine imtisâlen Çarşamba günü huzûr-ı âlîde ma‘kūd meclis-i şer‘-i şerîfe ihzâr olunan Halil nâm sagīrin vâlidesi zâtı mu‘arrefe sâhibe-i arzuhâl Halime nâm hatun Paşa sancağında Demirhisar nâhiyesinde derkenârda zikr olunan tımâr babası Ahmed mahlûlünden mezbûrun üzerinde olmağla tarafından ilzâm ve irsâl eyledikleri arzuhâlde mezkûr Süleyman ile terâfu‘larında mezbûr Süleyman tımâr-ı mezkûra varıp zabt murâd eyledikde Timurşah v. Mustafa nâm kimesne tımâr-ı mezkûr benim üzerimde iken bilâ-veled fevt oldu deyü sagīr-i mezbûrun babası mezbûr Ahmed üzerine berat etdirmekle fevti gayr-ı vâki‘ olduğunu ihbâr etdirip ve mahâllinde sancaklısı ve hasmı muvâcehesinde fevti gayrı vâki‘ olduğu sâbit olursa deyü şartıyla yine üzerime berat etdirmekle mezbûr Süleyman’a zabt etdirmeyip men‘ eylediğini mezbûr Süleyman takrîr ve izzetlü Reisülküttâb Efendi’nin derûn-ı arzuhâlde olan arzlarında dahi vech-i meşrûh üzere münfehim olup lâkin sagīr-i mezbûrun vâlidesi mezbûre acezeden olup mahâlline varıp mezbûr Demirşah ile murâfa‘aya kudreti olmadığından mâ‘adâ tarafından vekîl olur kimesnesi dahi olmamağla sıyâneten li’s-sagīr mezbûr Timurşah gelip huzûr-ı âlîde mezbûre ile murâfa‘a olmadıkça tımâr-ı mezkûre ta‘arruz etmemek bâbında fermân-ı âlîleri sudûrunda emr ü fermân hazret-i men-lehü’l-emrindir. Fî 11 min-Şevvâl sene 1179.