İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 507 Hüküm no: 639 Orijinal metin no: [266-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud’un astarcı esnafından ihraç olunması Astarcı esnâfından ihrâc Ma‘rûz, Mahmiye-i İstanbul’da ham âlât Astarcı Esnâfı kethüdâsı Mehmed ve yiğitbaşıları Osman ve ustalarından Ahmed ve diğer Osman ve Hasan ve diğer Ahmed ve Veli ve es-Seyyid Mehmed ve Mustafa nâm Müslimîn ile zimmî ustalarından Karabet ve İsrail ve Manuk ve Sav[a] ve Api ve Sahak ve Avadik ve Bedros meclis-i şer‘-i şerîfe ihzâr etdirdikleri es-Seyyid Mahmud mahzarında biz birbirlerimize kefil olup içimize pîr ü perver olmayan mechûlü’l-ahvâl kimesneler dâhil olmamak şurût ve nizâmımızdan iken mezbûr es-Seyyid Mahmud san‘atımızda ehliyeti olmayıp mechûlü’l-ahvâl ve bilâ-kefil bir takrîr ile san‘atımıza duhûl etmekle emniyetimiz yokdur deyü ihbâr ve ihrâcını iltimâs eyledikleri huzûr-ı âlîlerine i‘lâm olundu. Fî 12 min-Şevvâl sene 1179.