İstanbul Mahkemesi 25 Numaralı Sicil (H. 1179-1180 / M. 1765-1767) cilt: 76, sayfa: 508 Hüküm no: 640 Orijinal metin no: [266-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Astarcı esnafından Ahmed, Ali ve Halil’in esnafın işlerine karışmayacaklarına dair taahhütte bulunmaları Esnâfı umûruna karışmamak üzere ta‘ahhüd Ma‘rûz Mahmiye-i İslambol’da ham âlât Astarcı Esnâfı Kethüdâsı Mehmed ve yiğitbaşıları Osman ve ustalarından Ahmed ve diğer Osman ve Hasan ve diğer Ahmed ve Veli ve es-Seyyid Mehmed ve Mustafa nâm Müslimîn ile zimmî ustalarından Karabet ve İsrail ve Manuk ve Sava ve Api ve Sahak ve Avadik ve Bedros meclis-i şer‘-i hatîrde yine esnâf-ı mezkûreden es-Seyyid Ahmed ve Ali ve Halil mahzarlarında mezbûrûn kendi hâllerinde olmayıp nizâm-ı kadîmimize mugāyir hareket ve san‘atımızda ehliyeti olmayıp mechûlü’l-ahvâl olan işbu hâzır bi’l-meclis es-Seyyid Mahmud’u san‘azımıza idhâl murâd ederler deyü teşekkî onlar dahi fî-mâ-ba‘d kendi hâllerinde olup esnâf-ı mezkûrenin umûr ve nizâmlarına aslâ karışmamak üzere ta‘ahhüd ve bu minvâl üzere kat‘-ı münâza‘a eyledikleri tescîl olunup bi’l-iltimâs huzûr-ı âlîlerine i‘lâm olundu. Fî 11 min-Şevvâl sene 1179.