Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 173 Hüküm no: 251 Orijinal metin no: [43a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Soğanlık köyünden Mehmed b. Veli'nin bağını Mehmed b. Abdullah'a satması Medîne-i Üsküdar’a muzâfe Adalar nâhiyesine tâbi‘ Soğanlık karyesi sükkânından Mehmed b. Veli tarafından bey‘-i âti’l-beyâna Mustafa b. Ahmed ve Mehmed Beşe b. Ömer nâm kimesneler şehâdetleriyle vekâleti sâbite olan Hasan Beşe b. Ali bi’l-vekâle meclis-i şer‘-i hatîr-i lâzımü’t-tevkīrde işbu hâfizü hâze’l-kitâb Mehmed b. Abdullah nâm kimesne mahzarında ikrâr ve takrîr-i kelâm edip karye-i mezbûre bağlarında vâki‘ bir tarafdan el-Hâc Ahmed bağı ve bir tarafdan el-Hâc Şabanoğlu bağı ve bir tarafdan Mehmed bağı ve bir tarafdan tarîk-i âm ile mahdûd tahmînen üç bin çubuk hora bağımı tarafeynden îcâb ve kabûlü hâvî bey‘-i bâtt-ı kat‘î ile mezbûr Mehmed’e on beş kıt‘a esedî guruşa bey‘ ve teslîm ve kabz-ı semen eyledikde ol dahi minvâl-i muharrer üzere iştirâ ve tesellüm ve kabz eyledikden sonra semeni olan meblağ-ı merkūm on beş guruşu mezbûr Mehmed yedinden bi’t-tamâm ahz u kabz eyledim, ba‘de’l-yevm bağ-ı mahdûd-ı mezkûr mezbûr Mehmed’in mülk-i müşterâsıdır, keyfe mâ yeşâ ve yahtâr mutasarrıf olsun dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Hurrire fi’l-yevmi’t-tâsi‘ aşer min-Zilka‘deti’ş-şerîfe li-sene ışrîn ve mi'e ve elf. Şuhûdü’l-hâl: el-Hâc Mehmed Ağa, Ahmed Efendi, Berber İbrahim Çelebi, Mehmed Beşe b. Musa, Mustafa Çelebi b. Ahmed Ağa, el-Hâc Ali Ağa, el-Hâc Mahmud Çavuş, Mehmed Beşe, Hüseyin Beşe Molla, Çolak Mustafa ve gayruhum mine’l-huzzâr.