Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 178 Hüküm no: 258 Orijinal metin no: [44b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gebze nahiyesindeki Şeyh Şems'in vakfettiği Şeyhlü köyünün, mütevellisi İbrahim tarafından Süleyman Ağa'ya iltizama verilmesi Vech-i tahrîr-i hurûf budur ki, Kocaeli sancağında Gekbüze nâhiyesinde vâki‘ evlâdiyet ve meşrûtiyet üzere berât-ı pâdişâhî ile mutasarrıf olduğum Şeyh Şems vakf eylediği Şeyhlü nâm karyesinin zabt ü rabtın işbu bin yüz yirmi senesinde vâki‘ Martı ibtidâsından bir sene tamâmına değin emâneten tarafımızdan kıdvetü’l-emâcid ve’l-a‘yân Süleyman Ağa -zîde kadruhû-’ya deruhde ve iltizâm olunup mezbûr dahi iltizâmı kabûl eylediğinden sonra inşâallâhu te‘âlâ karye-i mezbûreyi zabt ü rabt edip vâki‘ olan a‘şâr-ı şer‘iye ve rüsûm-ı örfiye ve sâir olageldiği üzere cüz'î ve küllî zabt edip re‘âyâsına ve hudûd ve sınırına nizâm verilmek üzere iltizâm olunmağla işbu temessük tahrîr olunup mezkûr Süleyman Ağa’nın yedine verilmişdir, taraf-ı âhardan kimesne mâni‘ olmaya. 11 M. sene [1]123 El-Fakīr İbrahim el-Mütevellî hâlâ.