Kartal Mahkemesi 1 Numaralı Sicil (H. 1128-1133 / M. 1716-1721) cilt: 62, sayfa: 181 Hüküm no: 263 Orijinal metin no: [46a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tuzla köyü Müslüman ve zimmi reayasının avarız ve sürsat bedelleri Medîne-i Üsküdar Nâhiye-i Adalar tâbi‘-i kazâ-i Üsküdar, an-karyei Tuzla An-tahrîr-i cedîd-i vezîr-i mükerrem Osman Paşa, el-vâki‘ fî-sene 1108 Neferen: 125 aded 76.270 akçe. An-avârızı karye-i mezbûr 43.910 akçe. Bedel-i sürsat 120.180 akçe Ber-mûceb-i hüccet-i şer‘iye-i mevlânâ kādı-i İznikmid ve be-ma‘rifet-i vezîr-i mükerrem Osman Paşa el-müverrah fî 22 sene 1110 kayd şüd. Fî 6 sene 1111, neferen; 60 aded. Müslümân 65 aded. Zimmiyân 125 aded 120.180 akçe. Guruş; 901 guruş. …? 100,5 Hâsıl-ı Müslümânân …?, 300 guruş Hâsıl-ı zimmiyân; 901 guruş 71,5 guruş Vech-i meşrûh üzere Bursa’da vâki‘ Yıldırım Bayezid Han Evkāfı kurâlarından Üsküdar’a tâbi‘ Tuzla nâm karyenin vezîr-i mükerrem Osman Paşa’nın tahrîr mûcebince yüz yirmi beş re‘âyânın avârız ve bedel-i sürsat mâlları yüz yirmi bin yüz seksen sağ akçe edip lâkin Müslümânân ve zimmiyân beynlerinde nizâm bulmamağla altmış nefer Müslümân ve altmış beş nefer zimmiyân re‘âyâsı olmağla müselmânân re‘âyâsı fakīrü’l-hâl ve emr-i ma‘âşları âhar kimesneye hizmet eylemeğe mütevakkıf olup muntazamü’l-ahvâl olanları ekall-i kalîl olup ve zimmî re‘âyâsı ekseri muntazamü’l-ahvâl ve fakīrü’l-hâl olanları ekall-i kalîl olmağla karye-i mezbûre üzerine senede maktû‘ olan bin bir buçuk guruşdan üç yüz guruşu Müslümân re‘âyâsı ve yedi yüz bir buçuk guruşu zimmî re‘âyâsı edâ eylemek üzere ta‘ahhüd ve ittifâk ve mâbeynlerinde sulh ve nizâm ve ba‘de’l-yevm tagayyürât ve ihtilâl kabûl etmemek üzere tarafeynden râzı olmak üzere kabûl eylediklerine İznikmid kādısı Mevlânâ Rahmetullah -zîde fazluhû- hüccet-i şer‘iye verilmekle mahâlline kayd oluna deyü fermân-ı şerîf sâdır olmağın mûcebince mahâlline kayd olunup sûretidir ki Mevkūfât’dan naklolundu. Fî 6 R sene 1111 Ve turalıdır. (Tuğra)