Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 518 Hüküm no: 542 Orijinal metin no: [78b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mardros v. Dragos’un aldığı yetmiş iki guruş borç karşılığında horasancı dükkanındaki üçte bir hissesini altı aylığına Bogos v. Pargos’a ipotek ettiği Mahmiye-i İstanbul’da sâkin olup horasancı tâifesinden Mardros v. Dragos nâm Ermeni meclis-i şer‘-i hatîr-i lâzimü’t-tevkīrde li-ebeveyn ammi işbu râfi‘ü’l-vesîka Bogos v. Pargos nâm Ermeni muvâcehesinde bi’t-tav‘i’s-sâf ikrâr ve i‘tirâf edip mahmiye-i mezbûrede Lanka’da vâki‘ horasancı dükkânında mevcûde olan âlâtından olup bir değirmen taşı ve bir re’s bârgir ve bir tencere ve bir güğüm ve iki sahan ve nısf mahzen horasan ve yirmi sandık toz kirecinde ve sâir âlâtında olan üç sehimde bir sehm hisse-i şâyi‘amı târih-i kitâbdan altı ay tamâmına değin mezkûr Bogos’a yetmiş iki riyâlî guruşa bey‘ bi’l-vefâ tarîkı ile bey‘ ve teslîm ol dahi iştirâ ve kabûl ve tesellüm eyledikden sonra semeni olan meblağ-ı mezbûr yetmiş iki riyâlî guruşu tamâmen mezbûr Bogos yedinden ahz u kabz eyledim dedikde gıbbe’t-tasdîk mâ-vaka‘a bi’t-taleb ketb olundu. Tahrîren fi’l-yevmi’l-hâmis aşer [min] Zilhicceti’ş-şerîfe li-sene seb‘a ve sittîn ve elf. Şühûdü’l-hâl: Mustafa Efendi b. Muharrem, İbrahim b. Ömer, Osman Beşe b. Sevindik, İsa Bey b. Ahmed.