Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 521 Hüküm no: 545 Orijinal metin no: [79a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer Çelebi b. Hasan’ın boşandığı karısı Saraylı Gülbûy bt. Abdülmennan’a günlük on beşer akçe nafaka ödemesine karar verildiği Dâru’l-hilâfeti’l-aliyye mahmiye-i Kostantıniyye’de Gül Câmi‘i kurbünde Molla Hüsrev mahallesinde sâkine Saraylı Gülbûy Hâtun bt. Abdülmennân meclis-i şer‘-i hatîr-i lâzimü’t-tevkīrde zevc-i dâhil-ün bihâsı işbu râfi‘ü’l-kitâb Ömer Çelebi b. Hasan ile nikâhı ma‘kūd olup zevci mezkûr Ömer Çelebi zimmetinde mütekarrir olan on iki bin nakd-i râyic [fi’l]-vakt akçe mehr-i müecceli üzerine muhâla‘a-i sahîha-i şer‘iyye ile muhâla‘a edip ol dahi vech-i meşrûh üzere hul‘u kabûl ve herbiri âharın zimmetini nafakadan gayrı zevciyyete ve gayra müte‘allika de‘âvîden ibrâ-i âmm-ı kātı‘u’n-nizâ‘la ibrâ ve ıskāt eylediklerinden sonra merkūme Gülbûy Hâtun’un nafaka-i iddeti ve sâir levâzım-ı zarûriyyesi için şer‘an nafaka takdîri lâzım olmağla hâkim-i muvakkı‘-ı kitâb tûbâ lehü ve hüsnü-meâb hazretleri merkūme Saraylı Gülbûy’un talebi ile zevci merkūm Ömer Çelebi muvâcehesinde merkūm Ömer Çelebi üzerine nafaka-i iddeti için beher yevm on beşer akçe nafaka farz ve takdîr edip meblağ-ı mezbûru masârıfına sarfa ve vakt-i zarûretde istidâneye ve lede’z-zafer merkūm Ömer Çelebi üzerine rücû‘a izin verip mâ-hüve’l-vâki‘ bi’t-taleb ketb olundu. Fi’l-yevmi’s-sâmin aşer min-Zilhicceti’ş-şerîfe li-sene seb‘a ve sittîn ve elf. Şühûdü’l-hâl: Mehmed Efendi b. Veli Efendi, Mustafa Efendi b. Abdurrahman, Abbas Efendi b. İbrahim el-imâm, Nasuh Odabaşı b. Yusuf, Ramazan Çelebi b. Musa el-müezzin, Mustafa Çelebi b. Ali, el-Hâc Murad b. Arslan, Mehmed Beşe b. Sinan.