Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 538 Hüküm no: 565 Orijinal metin no: [82b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rabia bt. Hüseyin Çavuş üzerine annesi Ayşe bt. Hasan’ın vasi tayin olunduğu Mahmiye-i İstanbul’da Kâtib Muslihiddin mahallesi sâkinlerinden iken bundan akdem vefât eden merhûm Hüseyin Çavuş b. Hasan nâm kimesnenin sulbiye sagīre kızları Fâtıma ve Râbia’nın tesviye-i umûrlarına kıbel-i şer‘den bundan akdem Abdulbâki Çavuş nâm kimesne vasî nasb olunup lâkin sagīretân-ı merkūmetândan mezkûre Fâtıma bâliğa olup vasîye ihtiyâcdan berî olup ve merkūm Abdulbâki Çavuş ehl-i sefer olmakla kesret-i eşgāli sebebi ile uhde-i vesâyetden gelmede acz-i tâm olduğunu zeyl-i kitâbda mastûru’l-esâmi olan sikāt ihbâr etmeğin sagīre-i mezbûre Râbia’nın tesviye-i umûruna kıbel-i şer‘-i kavîmden vâlidesi olup hâlâ hâdınesi olan işbu hâfızatü’l-vesîka fahrü’l-muhadderât Âişe Hâtun bt. el-merhûm Hasan Efendi evân-ı rüşd ve bülûğuna değin ahvâlini zabt ve emvâlini hıfz için vasî nasb ü ta‘yîn olundukda ol dahi vesâyet-i mezbûreyi kabûl ve hizmet-i lâzımesini edâya müte‘ahhid olmağın mâ-hüve’l-vâki‘ bi’t-taleb ketb olundu. Tahrîren fî evâili Zilka‘deti’ş-şerîfe li-sene seb‘a ve sittîn ve elf. Şühûdü’l-hâl: Mehmed Efendi eş-şehîr bi-Bolevî, eş-Şeyh Mustafa Efendi b. Hâfız, Atâullah Çelebi b. el-merhûm Hasan Efendi, Mehmed Çelebi, Ali Çelebi ve gayruhüm mine’l-[hâzırîn.]