Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 554 Hüküm no: 584 Orijinal metin no: [85b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin vasi üzerine nâzır atadığı Hâkim-i askerî-i muvakkı‘ a‘lâ hâze’l-kitâb el-mütevakkı‘ rızâ-i rabbihi’l-meliki’l-vehhâb, mahmiye-i Kostantıniyye mahallâtından Arabacı Bayezid mahallesinde sâkine Gülistan b. Abdullah nâm hâtunu, Arabacı Bayezid mahallesinde sâkin iken bundan akdem vefât eden Mehmed Usta’nın Fâtıma mâm sagīre kızına, babasından intikāl eden emvâlin hıfzı ve ahvâlinin zabtı için kıbel-i şer‘den mansûb vasî olan, mahmiye-i Kostantıniyye mahallâtından Ayasofya-i sagīr mahallesi sükkânından Ali Ağa b. ( ) nâm kimse üzerine nâzıra-i hasbiye nasbetti. Bu sûretle vasiyy-i merkūm, sagīre-i mezkûrenin annesi olan nâzıre-i mezbûrenin re’yi olmadan umûr-i vesâyete mübâşeret etmeyecektir. Mezbûre Gülistan dahi nezâret-i mesfûreyi kabûl edip hizmet-i lâzimesini edâya müte‘ahhide oldu. Cerâ zâlike ve hurrire fi’l-yevmi’s-sâmin aşara min-Zilhicceti’ş-şerîfe li-sene seb‘a ve sittîn ve elf. Şühûdü’l-hâl: İbrahim Beşe el-Haffâf, Solak İbrahim Bey b. Abdullah, el-Hâc Mehmed Çelebi b. İbrahim, el-Hâc Hasan Çelebi b. İbrahim ve gayrühüm mine’l-hâzırîn