Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 393 Hüküm no: 372 Orijinal metin no: [81b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ölen Manko v. Koro’nun küçük çocuklarına Marko adlı zimminin vasî tayin edildiği Medîne-i Hazret-i Ebî Eyyûbi’l-Ensârî -radıye anhü’l-Bârî- kazâsına tâbi‘ Küçükköy nâm karyede sâkin iken bundan akdem hâlik olan Manko v. Koro nâm zimmînin sulbî oğulları Yorgaki ve Hristaki nâm sagīrlere babaları hâlik-i merkūmdan ırsen intikāl eden mâllarını hıfza ve ahvâllerini zabta kıbel-i şer‘-i şerîf-i enverden bir vasî nasb ve ta‘yîn olunmak ehem ve elzem olmağın sagīrân-ı mezbûrânın ammesi oğlu işbu râfi‘u’l-vesîka Marko v. ( ) nâm zimmî vesâyet-i mezbûreye ehil ve her vechile uhdesinden gelmeğe kādir olduğu zeyl-i kitâbda muharrerü’l-esâmî ve mevsûkun-bih zimmîler ihbârlarıyla mütehakkık oldukdan sonra hâkim-i muvakki‘-i sadr-ı kitâb -tûbâ-lehû ve hüsnü-meâb- hazretleri dahi mezbûr Marko’yu sagīrân-ı mezbûrânın tesviye-i emirlerine vasî nasb ve ta‘yîn eyledikde ol dahi vesâyet-i mezbûreyi kabûl ve merâsimini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâbi‘ min-şehri Rebî‘i’l-âhir li-sene ihdâ ve tis‘în ve elf. Şuhûdü’l-hâl: es-Sâbıkūn.