Rumeli Sadâreti Mahkemesi 127 Numaralı Sicil (H. 1090-1091 / M. 1679-1680) cilt: 55, sayfa: 395 Hüküm no: 376 Orijinal metin no: [82b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa b. Osman’ın Ebûbekir Ağa b. Mehmed’e açtığı alacak davasının reddedildiği Mahmiye-i İstanbul’da Davudpaşa kurbünde Sultân [Bâ]yezid-i Cedîd Mahallesi’nde sâkin Ahmed Ağa b. Osman Dîvân-ı Hümâyûn-ı sa‘âdet-makrûnda ma‘kūd meclis-i şer‘-i şerîfde işbu sahibü’l-kitâb zahru’l-eşbâh Ebûbekir Ağa b. Mehmed mahzarında üzerine da‘vâ ve takrîr-i kelâm edip bin seksen iki senesinde Girid’de vâlî olan İbrahim Paşa merhûmun ben kethudâsı iken İstanbul’da dâyinlerime götürüp teslîm etmek üzre etbâ‘ımdan işbu hazır bi’l-meclis el-Hâc Ali b. Ahmed ile beş bin esedî irsâl eylediğimde merkūm Ebûbekir Ağa meblağ-ı mezbûrdan üç bin esedî guruşu mezbûr el-Hâc Ali yedinden bi-gayr-ı hakkın ahz ü kabz etmişdir suâl olunup meblağ-ı mezbûr üç bin esedî guruşu bana red ve teslîme mezbûr Ebûbekir Ağa’ya tenbîh olunmak matlûbumdur dedikde gıbbe’s-suâl mezbûr Ebûbekir Ağa cevâbında müdde‘î-i mezbûr mezkûr el-Hâc Ali yediyle târih-i [mezkûrda] irsâl eylediği meblağ-ı mezbûru ol târihde harâc muhâsebecisi olan Ali Efendi nâm kimesneye müdde‘î-i mezbûrun deyni mukābelesinde bi’t-tamam teslîm edip hatta mezkûr el-Hâc Ali meblağ-ı mezkûru götürüp merkūm Ali Efendi’ye teslîmini alâ-ruûsi’l-işhâd ikrâr ve merkūm Ahmed Ağa dahi tasdîk edip bu vechile da‘vâ-yı mezkûreden berî olmuşumdur deyücek husûs-ı mezbûr merkūmân el-Hâc Ali ve Ahmed Ağa’dan istihbâr olundukda mezbûr el-Hâc Ali müdde‘î-i mezbûrun hâlâ mesfûr Ebûbekir Ağa’dan iddi‘â eylediği meblağ-ı mezbûr üç bin esedî guruşu sâir irsâl eylediği meblağ ile ma‘an târih-i mezkûrda harâc muhâsebecisi olan merkūm Ali Efendi’ye bi’t-tamam merkūm Ahmed Ağa ile beynlerinde olan hesâbları için teslîmini ikrâr ve müdde‘î-i mezbûr Ahmed Ağa <> dahi merkūm el-Hâc Ali’nin kelimât-ı meşrûhasını tasdîk ve tahkīk etmeğin mezkûr Ahmed Ağa meblağ-ı mezbûru mezkûr el-Hâc Ali’nin târih-i mezkûrda merkūm Ali Efendi’ye teslîm eylediğini mu‘terif iken vech-i meşrûh üzre olan iddi‘âsı müvecceh ol[ma]mağla mûcebiyle merkūm Ahmed Ağa meblağ-ı mezbûr mutâlebesiyle ol vechile ta‘arruzdan men‘ olunup mâ-vaka‘a bi’t-taleb ketb olundu. Fi’l-yevmi’l-hâmis aşer min-Rebî‘i’l-âhir li-sene ihdâ ve tis‘în ve elf. Şuhûdü’l-hâl: Umdetü erbâb Ali Efendi Tezkire-i Evvel, zübdetü ashâb Mustafa Efendi Tezkire-i Sânî, umdetü eşbâh Çavuşbaşı Mehmed Ağa, umdetü’l-ekârim Muhzır Mehmed Ağa, umdetü eşbâh Ahmed Ağa.