Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 105 Hüküm no: 68 Orijinal metin no: [15a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşıkpaşa İmamı Hüseyin Efendi’nin menzilini Hatice bt. Abdullah’a satması Mahmiye-i İstanbul’da Âşıkpaşa İmamı Hüseyin Efendi b. Ali nâm kimesne mahmiye-i mezbûrede meclis-i şer‘de bâ‘isetü’l-vesîka Hadîce bt. Abdullah nâm hatun mahzarında ikrâr ve takrîr-i kelâm edip mahâlle-i merkūmede vâki‘ arsasının senede yüz seksen akçe mukāta‘ası imam olanlara meşrûta olup üzerinde ebniyesi mülküm olan iki tarafdan İbrahim Efendi nâm kimesne menzili ve bir tarafdan Keçeci Ahmed Çelebi menzili ve taraf-ı râbii tarîk-i âm ile mahdûd bir bâb fevkānî oda ve bir sofa ve tahta-pûş ve bir bâb tahtânî oda ve bir mikdâr havluyu hâvî menzilin üzerinde olan ebniye-i memlûkesini tarafeynden îcâb ve kabûlü hâvî bey‘-i bâtt-ı sahîh-i şer‘î ile mezbûre Hadîce’ye yüz kırk guruşa bey‘ ve teslîm ve arsasını dahi izn-i mütevellî ile meccânen ferâğ ve tefvîz, ol dahi ber-vech-i muharrer iştirâ ve tesellüm ve kabz ve tefevvüz ve kabûl eyledikden sonra semeni olan meblağ-ı mezbûr yüz kırk guruşu mezbûre Hadîce bana def‘ ü teslîm ben dahi yedinden tamâmen ahz u kabz eyledim, ba‘de’l-yevm menzil-i mahdûd-ı mezbûr merkūme Hadîce’nin mülk-i müşterâ ve hakk-ı müfevvezidir, keyfe mâ teşâ ve tahtâr mutasarrıfe olsun dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâmin ve’l-ışrîn min-Muharremü’l-haram sene 1116 Şuhûdü’l-hâl: İbrahim Efendi el-kādı, İbrahim Efendi el-müezzin, el-Hâc Mehmed b. ( ), Ali Ağa b. Abdullah, Süleyman Beşe b. Abdurrahman, Ebubekir Çelebi b. ( ), es-Seyyid Ahmed Çelebi b. ( ), el-Hâc Yusuf