Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 107 Hüküm no: 71 Orijinal metin no: [15b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime Hatun’un eşi Mehmed Efendi’den boşanması (bâyin) Mahmiye-i İstanbul’da Emir Buhârî kurbünde sâkin olup zâtı Hüseyin b. İbrahim ve Ahmed b. Mehmed nâm kimesneler ta‘rîfleriyle mu‘arrefe olan Rahime bt. Süleyman nâm hatun mahmiye-i mezbûrede meclis-i şer‘de zevc-i mutallıkı işbu bâ‘isü’l-vesîka Mehmed Efendi b. Abdullah nâm kimesne mahzarında ikrâr ve takrîr-i kelâm edip mezbûr Mehmed Efendi zevcim olup beni talâk-ı bâin ile tatlîk eyledi zimmetinde mütekarrir ve ma‘kūdün-aleyh olan otuz guruş hakkımı bana mezbûr Mehmed Efendi def‘ ü teslîm ben dahi yedinden tamâmen ahz u kabz eylediğimden sonra meblağ-ı mezbûra müte‘allıka da‘vâdan mezbûr Mehmed Efendi’nin zimmetini ibrâ ve iskāt eyledim dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’t-tâsi‘ ve’l-ışrîn min-Muharremü’l-haram li-sene sitte aşere ve mi’e ve elf. Şuhûdü’l-hâl: Abdülbaki Beşe b. Mehmed mübâşir, Hüseyin Beşe b. İbrahim, Ahmed Beşe b. Mehmed, el-Hâc Yusuf b. Osman.