Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 107 Hüküm no: 72 Orijinal metin no: [15b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Ahmed’e kendisini terk eden eşi tarafından nafaka ödenmesi Mahmiye-i İstanbul’da Emir Buhârî kurbünde sâkine olup zatı Mehmed Efendi b. Musa ve Abdullah Çavuş b. Hasan nâm kimesneler ta‘rîfleriyle mu‘arrefe olan Fâtıma bt. Ahmed nâm hatun mahmiye-i mezbûrede meclis-i şer‘-i hatîr-i lâzımü’t-tevkīrde takrîr-i kelâm ve ta‘bîr ani’l-merâm edip Kalyoncu demekle ma‘rûf Hüseyin Beşe nâm kimesne zevcim olup beni bilâ-nafaka ve lâ-kisve bırakıp diyâr-ı âhara gitmekle hâlâ zevcim gāib-i mezbûr üzerine kadr-ı kifâye nafaka ve kisve-baha farz ve takdîr olunmak matlûbumdur dedikde mezbûre Fâtıma gıbbe’t-tahlîfi’ş-şer‘î hâkim-i muvakkı‘-ı sadr-ı kitâb tûbâ-lehû ve hüsnü-meâb hazretleri dahi mezbûre Fâtıma’nın nafaka ve kisve-baha ve sâir levâzım-ı zarûriyesi için zevc-i gāibi mezbûr Hüseyin Ağa üzerine onar sağ akçe nafaka farz ve takdîr edip meblağ-ı mefrûz-ı mezbûru merkūme Fâtıma nafaka ve kisve ve sâir levâzım-ı zarûriyesine harc u sarfa ve vakt-i zarûretde istidâne ve lede’z-zafer zevc-i gāibi mezbûr Hüseyin Beşe’ye rücû‘a mezbûre Fâtıma’ya izin vermeğin mâ-vaka‘a bi’t-taleb ketb olundu. Fi’l-yevmi’r-râbi ve’l-ışrîn min-Muharremü’l-haram li-sene sitte aşere ve mi’e ve elf. Şuhûdü’l-hâl: Mehmed Efendi el-kādı bi-Samako sâbıkā, Mehmed Efendi b. Musa el-imâm, Mehmed Efendi b. Mehmed el-müezzin, Abdullah Çavuş b. Hasan