Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 108 Hüküm no: 74 Orijinal metin no: [15b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail b. Muslı’nın armut bedelinden Mustafa Odabaşı’da olan alacağını tahsil etmesi Gemlik kazâsına tâbi‘ Armutlu nâm karye sükkânından İsmail b. Muslı nâm kimesne mahmiye-i İstanbul’da meclis-i şer‘-i hatîrde bâ‘isü’l-kitâb Mustafa Odabaşı b. Mehmed nâm kimesne mahzarında ikrâr ve takrîr-i kelâm edip bin yüz on beş senesinde bi’d-defa‘ât benden iştirâ ve kabz eylediği vezn ve mikdârı beynimizde ma‘lûm yüz iki fıçı ve sekiz sepet armud semeninden mezbûr Mustafa Odabaşı zimmetinde iki yüz otuz guruş hakkım olmağla meblağ-ı merkūm iki yüz otuz guruşu mezbûr Mustafa Odabaşı bi’d-defa‘ât bana edâ ve teslîm ben dahi tamâmen yedinden ahz u kabz edip husûs-ı mezbûra ve sâire müte‘allıka âmme-i de‘âvî ve kâffe-i mutâlebâtdan merkūm Mustafa Odabaşı’nın zimmetini ibrâ ve iskāt eyledim, fîmâ-ba‘d birbirimiz ile husûs-ı mezbûra ve gayra aslâ da‘vâ ve nizâ‘ımız yokdur dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sâbi‘ min-Saferi’l-hayr li-sene sitte aşere ve mi’e ve elf. Şuhûdü’l-hâl: Mustafa Beşe b. Ahmed, Mustafa b. Sefer, Ahmed Çelebi Kumlalı, İbrahim Beşe b. Mehmed