Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 113 Hüküm no: 81 Orijinal metin no: [17a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Piryo’nun Gemlik’in Katırlı köyündeki menzil ve tarlasını Yorgi v. İstemat’a satması Mahmiye-i İstanbul’da Kumkapı dâhilinde Tavâşî Süleyman Ağa mahâllesinde sâkin Yorgi v. Piryo nâm zimmî mahmiye-i mezbûrede meclis-i şer‘de işbu râfi‘ü’s-sifr Yorgi v. İstemat nâm zimmî muvâcehesinde ikrâr ve takrîr-i kelâm edip akd-i âti’z-zikrin sudûruna değin yedimde mülküm olup vilâyet-i Anadolu’da Gemlik kazâsına tâbi‘ Katırlı nâm karyede vâki‘ bir tarafdan Blaş nâm zimmî menzili ve bir tarafdan Hırso nâm zimmî menzili ve bir tarafdan Pandera ta‘bîr olunur mevzi‘ ve bir tarafdan tarîk-i âm ile mahdûd bir bâb mülk menzilim ile kezâlik karye-i mezbûre sınırı dâhilinde vâki‘ bir tarafdan Papa Anaştaş nâm zimmî bağı ve bir tarafdan Zaneşti nâm zimmî bağı ve bir tarafdan Kelayonoş nâm zimmî bağı ve bir tarafdan tarîk-i âm ile mahdûd altı dönüm mülk bağımı tarafeynden bi’l-îcâb ve’l-kabûl bey‘-i kat‘î ile mezbûr Yorgi’ye bi-safkatin vâhidetin elli beş guruşa bey‘ ve temlîk, ol dahi ber-vech-i muharrer iştirâ ve temellük ve kabûl eyledikden sonra semeni olan meblağ-ı mezbûru merkūm Yorgi yedinden tamâmen ahz u kabz eyledim ba‘de’l-yevm menzil-i mahdûd-ı mezkûr ile zikri mürûr eden bağ merkūm Yorgi’nin mülk-i müşterâsıdır, keyfe mâ yeşâ ve yahtâr mutasarrıf olması için mahâllinde kabza taslît eyledim dedikde mâ-vaka‘a bi’t-taleb ketb olundu. Fi’l-yevmi’s-sânî min-Saferi’l-hayr li-sene sitte aşere ve mi’e ve elf. Şuhûdü’l-hâl: Es-Sâbıkūn.