Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 151 Hüküm no: 95 Orijinal metin no: [26a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ramazan Ağa’nın, Bi’retü’l-fırat kadısı Hüseyin Efendi aleyhindeki davasında anlaşma sağlanması Vilâyet-i Anadolu’da Bi’retü’l-fırat Alaybeyisi olduğu hâlde fevt olan Yusuf Ağa b. Süleyman nâm kimesnenin vârisi olan li-ebeveyn karındaşı Ramazan Ağa nâm kimesne mahmiye-i İstanbul’da meclis-i şer‘de sâbıkā kazâ-i mezbûr kādısı olan bâ‘isü’l-vesîka Hüseyin Efendi [b.] Sûzî? kazâ-i mezbûrda kādı olduğu hâlde karındaşım müteveffâ-yı mezbûrun terekesinden resm-i kısmet nâmıyla ik iyüz elli guruş ve muhallefâtından dahi üç yüz guruşluk eşyâsını bi-gayrı hakkın ahz u kabz etmekle meblağ-ı mecmû‘-ı mezbûr beş yüz elli guruşu merkūm Hüseyin Efendi’den taleb ve da‘vâ eylediğimde nizâ‘-ı küllî vukū‘undan sonra el-hâletü hâzihi da‘vâ-i mezbûremden merkūm Hüseyin Efendi benimle an-inkâr on altı guruş üzere akd-i musâlaha eyledikde ben dahi sulh-ı mezbûru ba‘de’l-kabûl bedel-i sulh olan meblağ-ı mezbûr on altı guruşu merkūm Hüseyin Efendi yedinden tamâmen ahz u kabz edip husûs-ı mezbûra müte‘allıka da‘vâdan merkūm Hüseyin Efendi’nin zimmetini ibrâ ve iskāt eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî min-Saferi’l-hayr li-sene sitte aşere ve mi’e ve elf. Şuhûdü’l-hâl: osman Efendi el-kādı, Mustafa Efendi el-kādı, Yusuf Ağa ez-za‘îm, Süleyman b. Abdullah.