Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 180 Hüküm no: 116 Orijinal metin no: [37a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anastaş ile Yani’nin yaralama davasında anlaşma sağladıkları Kürkçü tâifesinden Anastaş v. Mihal nâm zimmî mahmiye-i İstanbul’da meclis-i şer‘-i şerîf-i enverde yine tâife-i mezbûreden işbu bâ‘isü’r-rakīm Yani v. Mitre nâm zimmî muvâcehesinde ikrâr ve takrîr-i kelâm edip târîh-i kitâbdan sekiz gün mukaddem Sultân Selim sûkunda vâki‘ kürkçü dükkânı içinde mezbûr Yani beni beyaz saplı bıçak ile ba‘de’l-asr bi-gayrı hakkın sağ kulağımın ense tarafına darb u cerh etmekle bundan akdem cerh-i mezbûrun mûceb-i şer‘îsini kendiden taleb ve da‘vâ eylediğimde ol dahi inkâr etmeğin el-hâletü hâzihi beynimize muslihûn tavassut edip da‘vâ-i mezkûremden beni merkūm Yani ile yirmi beş guruş inşâ-i akd-i sulh eylediklerinde ben dahi sulh-ı mezbûru ba‘de’l-kabûl [37b] bedel-i sulh olan meblağ-ı merkūm yirmi beş guruşu mesfûr Yani yedinden ahz u kabz edip ba‘de’l-yevm cerh-i mezbûra ve mâ-yühdasü-anhüya müte‘allıka âmme-i da‘vâdan merkūm Yani’nin zimmetini ibrâ ve iskāt eyledim dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’s-sânî ve’l-ışrîn min-Muharremü’l-haram li-sene sitte aşere ve mi’e ve elf. Şuhûdü’l-hâl: Mehmed Efendi el-kādı, Mehmed Efendi el-kâtib, Mustafa Beşe el-mübâşir, Muhzır el-Hâc Abdurrahman, el-Hâc Ebubekir …?, Sarrâc Mehmed Beşe b. ( ), el-Hâc Yusuf b. Osman. Küfter v. Praşkova, Terzi Yorgaki, Yorgaki v. Anastaş, İlya v. Panayot, Aci Yorgi v. Yani