Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 186 Hüküm no: 125 Orijinal metin no: [39a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Süleyman’ın Rus asılı cariyesi Şemsad’ı ümmü’l-veled olması nedeniyle azat etmesi Mahmiye-i İstanbul’da Çerâğī Hamza mahâllesinde sâkin İbrahim b. Süleyman nâm kimesne tarafından husûs-ı âti’l-beyana vekîl olduğu Hasan ve Mustafa ibney Osman nâm kimesneler şehâdetleri ile şer‘an sâbit olan Ahmed b. Mustafa nâm kimesne mahmiye-i mezbûrede meclis-i şer‘de müvekkile-i mezbûra rıkkını mu‘terife işbu orta boylu açık kaşlı mâvi gözlü Rusiyyetü’l-asl Müslimetü’l-mille râfi‘u hâzihi’l-vesîka Şemsad bt. Abdullah mahzarında bi’l-vekâle ikrâr ve takrîr-i kelâm edip mevsûfe-i mezbûre Şemsad müvekkil-i mezbûr İbrahim’in ümm-i veledi olmağla hasbeten lillâhi te‘âlâ ve taleben li-merzâti rabbihi’l-a‘lâ malından i‘tâk ve sâir harâir-i asliyât zümresine idrâc ve ilhâk eyledi. Ba‘de’l-yevm mevsûfe-i mezbûre Şemsad sâir harâir-i asliyât gibi hürre olup müvekkil-i mezbûrun mevsûfe-i mezbûre Şemsad üzerinde velâ-i şer‘iyyeden gayrı hakkı kalmadı dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fi’l-yevmi’r-râbi ve’l-ışrîn min-Saferi’l-hayr li-sene sitte aşere ve mi’e ve elf. Şuhûdü’l-hâl: İsmail Efendi el-kâtib, el-Hâc Ali b. Abdullah Çukadâr, Yusuf Çelebi b. Abdullah, Hasan b. Osman, el-Hâc Yusuf b. Osman,