Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 214 Hüküm no: 160 Orijinal metin no: [46b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Mustafa’nın, kızı Fatıma’yı çaldıkları iddiasında bulunduğu Şahin ile eşi Rafia’nın zimmetlerini ibra etmesi Mahmiye-i İstanbul’da Derviş Ağa mahâllesinde sâkin Mehmed b. Mustafa nâm kimesne mahmiye-i mezbûrede meclis-i şer‘-i hatîrde Terkos nâhiyesinde Bosna nâm karye ahâlîsinden Şahin b. Abdullah nâm kimesne ve zevcesi Rafia bt. Abdullah nâm hatun mahzarında takrîr-i kelâm ve ta‘bîr ani’l-merâm edip bundan akdem mezbûr Şahin ile zevcesi mezbûre Rafia kızım Fâtıma nâm sagīre sirka ve karye-i mezbûrede ihtifâ eylediler deyü mezbûrândan taleb ve da‘vâ onlar dahi inkâr edip bu vechile beynimizde nizâ‘-ı küllî vukū‘undan sonra el-hâletü hâzihi husûs-ı mezbûra müte‘allıka da‘vâdan merkūm Şahin ile zevcesi mezbûre Rafia’yı ibrâ-i âmm-ı râfi‘ü’l-hısâm ile ibrâ eyledim dedikde gıbbe’t-tasdîki’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sânî min-şehri Rebî‘ülevvel sene 1116 Şuhûdü’l-hâl: Ahmed Efendi b. Abdullah el-imâm, İsmail b. Mustafa, Veli Çelebi b. Ahmed, Ali Bey b. Musa.