Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 305 Hüküm no: 270 Orijinal metin no: [70a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un eşi Ahmed Çelebi’den muhalaa usulüyle boşanması Mahmiye-i İstanbul’da Debbâğ Yunus mahâllesi sâkinelerinden Fâtıma Hatun bt. Mehmed Efendi zâtı ma‘rifet-i şer‘iyye ile ârifân İbrahim Efendi b. Mehmed ve Mehmed Çelebi b. Süleyman ta‘rîfleriyle mu‘arrefe oldukdan sonra mahmiye-i mezbûrede meclis-i şer‘de zevc-i dâhili işbu râfi‘ü’l-vesîka Ahmed Çelebi b. el-Hâc İsmail mahzarında bi-tav‘ihâ ikrâr ve takrîr-i kelâm edip zevcim mezbûr Ahmed Çelebi ile beynimizde hüsn-i zindegânemiz olmamağla zimmetinde mütekarrir ve ma‘kūdün-aleyh olan otuz guruş mehr-i müeccelimden ve nafaka-i iddet-i ma‘lûmem ve meûnet-i süknâmdan fâriğā olup ve mehr-i mu‘accel olmak üzere kable’d-duhûl bana medfû‘u olan yirmi guruşu kendüye red etmek üzere hul‘ eylediğimde ol dahi hul‘-ı mezbûru kabûl ve meblağ-ı merkūm yirmi guruşu kendüye def‘ ü teslîm ol dahi yedimden tamâmen ahz u kabz eylediğinden sonra hukūk-ı zevciyete müte‘allıka âmme-i da‘vâ ve kâffe-i mutâlebâtdan ben mezbûr Ahmed Çelebi’nin zimmetini ibrâ ve iskāt edip mezbûr Ahmed Çelebi dahi benim zimmetimi ibrâ ve iskāt eyledi. Ba‘de’l-yevm birbirimiz ile aslâ da‘vâ ve nizâ‘ımız yokdur dedikde, gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 7 min-Rebî‘ülâhir sene 1116. Şuhûdü’l-hâl: Mehmed b. Mehmed, Abdülbaki Çelebi b. Mahmud, Mustafa Çelebi b. Halil, Süleyman Çelebi b. Abdullah, Mehmed b. İsmail, Mustafa b. Halil, el-Hâc Hüseyin b. Himmet.