Rumeli Sadâreti Mahkemesi 161 Numaralı Sicil (H.1115-1116 / M. 1704) cilt: 59, sayfa: 307 Hüküm no: 272 Orijinal metin no: [70b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in eşi Mehmed Beşe’den boşanması (bâyin) Mahmiye-i İstanbul’da Sultân Selim Câmi‘-i şerîfi kurbünde sâkine olup zâtı ma‘rifet-i şer‘iyye ile ârifân Receb Çelebi b. Bayram ve Mustafa b. Ali nâm kimesneler ta‘rîfleriyle mu‘arrefe olan Âişe bt. Mehmed nâm hatun mahmiye-i mezbûre[de] meclis-i şer‘de zevc-i mutallıkı işbu râfi‘ü’l-vesîka Mehmed Beşe b. Durmuş nâm kimesne mahzarında ikrâr ve takrîr-i kelâm edip mezbûr Mehmed Beşe zevcim olup bundan akdem beni bâyinen tatlîk etmekle zimmetinde mütekarrir ve ma‘kūdün-aleyh olan üç yüz akçe mehr-i müeccelim ile nafaka-i iddet-i ma‘lûmem ve meûnet-i süknâm mukābelesi için dahi bi’t-terâzî ta‘yîn olunan üç yüz akçe ki cem‘an altı yüz akçeyi zevcim merkūm Mehmed Beşe bana edâ ve teslîm ben dahi yedinden tamâmen ahz u kabz eyledim. Fî-mâ ba‘d hukūk-ı zevciyete müte‘allıka âmme-i da‘vâdan zevcim mezbûr Mehmed Beşe’nin zimmetini ibrâ ve iskāt eyledim dedikde gıbbe’t-tasdîki’ş-şer‘î mâ-vaka‘a bi’t-taleb ketb olundu. Fî 10 min-Rebî‘ülâhir sene 1116. Şuhûdü’l-hâl: İsmail Efendi el-kâtib, Mehmed Efendi b. Ahmed, Veli Efendi el-kādı, Hasan b. Durmuş, Abdülkerim b. Aydın, el-Hâc Yusuf b. Osman.